Билатерална соработка

Спогодба со Република Словенија

Скопје, 31 март 2010 година

 

На 31 март 2010 година во Скопје беше потпишана Спогодбата меѓу Владата на Република Македонија и Владата на Република Словенија за размена и заемна заштита на класифицирани информации.

По овластување на претседателот на Владата на Република Македонија, м-р Никола Груевски, во име на Владата на Република Македонија Спогодбата ја потпиша в.д. директорот на Дирекцијата за безбедност на класифицирани информации.

Усогласување текст на спогодба со Француската Република

Скопје, 15-17 февруари 2010 година

 

Во периодот од 15 до 17 февруари 2010 година во Скопје, по покана на шефот на Делегацијата за водење преговори на Република Македонија за склучување спогодби за размена на класифицирани информации на билатерална основа со други држави,се одржа втората фаза од билатералните преговори за склучување спогодба за размена и реципрочна заштита на класифицирани информации меѓу владите на Република Македонија и на Француската Република. Во оваа втора фаза од билатералните преговори беше усогласена претходно договорената верзија на текстот на спогодбата, при што беа усогласени и последните експертски отворени прашања. Во тек се процедурите во двете земји за одобрување на конечната верзија на текстот на спогодбата, по што ќе следува нејзино потпишување.

Усогласување текст на спогодба со Франција

Париз, 23-26 ноември 2009 година

 

Во периодот од 23 до 26 ноември 2009 година во Париз се одржа првата фаза од билатералните преговори за усогласување на текстот на спогодбата со Владата на Француската Република коишто резултираа со договорена прва верзија на текстот на спогодбата. Со цел што поскоро да се усогласи финалната верзија на текстот на билатералната спогодба, делегациите на двете страни се договорија втората фаза од преговорите да се одржи во Скопје во втората половина на февруари 2010 година.

Спогодба со Полска

Скопје, 24 ноември 2009 година

 

На 24 ноември 2009 година, Министерот за надворешни работи на Република Македонија и Амбасадорот на Република Полска во Скопје ја потпишаа Спогодбата меѓу Владата на Република Македонија и Владата на Република Полска за заемна заштита на класифицирани информации. Во тек е процедурата за нејзина ратификација од страна на Собранието на Република Македонија.

Усогласување текст на спогодба со Словенија

Љубљана, 28-30 септември 2009 година

 

Во перидот од 28 до 30 септември 2009 година во Љубљана се одржаа завршните преговори за усогласување на текстот на билатералната спогодба со Република Словенија, пришто беше договорена конечната верзија на текстот на спогодбата. Спогодбата се очекува да биде потпишана во Скопје во почетокот на 2010 година.

Спогодба со Украина

Охрид, 29 јуни 2009 година

 

Спогодбата меѓу Владата на Република Македонија и Кабинетот на министри на Украина за заемна заштита на класифицирани информации беше потпишана на 29.06.2009 година во Охрид, во рамките на меѓународната конференција „Искуствата на НБА од подготовките и по зачленувањето во НАТО“, организирана од страна на Дирекцијата за безбедност на класифицирани информации.

По овластување на претседателот на Владата на Република Македонија, м-р Никола Груевски

Спогодба со Естонија

Скопје, 20 ноември 2008 година

 

На 20 ноември 2008 година во Скопје беше потпишана Спогодба меѓу Владата на Република Македонија и Владата на Република Естонија за размена и заемна заштита на класифицирани информации.

Во име  на Владата на Република Македонија, Спогодбата ја потпиша м-р Антонио Милошоски, министер за надворешни работи на Република Македонија. Во име на Владата на Република Естонија, Спогодбата ја потпиша г-дин Урмас Пает, министер за надворешни работи на Република Естонија.

Спогодбата, којашто Парламентот на Република Македонија ја ратификува во април 2009 година, влезе во сила на 1 јуни 2009 година.

Спогодба со Хрватска

Загреб, 14 ноември 2008 година

 

На 14 ноември 2008 година во Загреб беше потпишана Спогодба меѓу Владата на Република Македонија и Владата на Република Хрватска за размена и заемна заштита на класифицирани информации.

По овластување на претседателот на Владата на Република Македонија, м-р Никола Груевски, во име на Владата на Република Македонија, Спогодбата ја потпиша в.д. директорот на Дирекцијата за безбедност на класифицирани информации.

Спогодба со Словачка

Скопје, 6 ноември 2008 година

 

На 6 ноември 2008 година во Скопје беше потпишана Спогодба меѓу Владата на Република Македонија и Владата на Словачката Република за заемна заштита на класифицирани информации.

По овластување на претседателот на Владата на Република Македонија, м-р Никола Груевски, во име на Владата на Република Македонија Спогодбата ја потпиша в.д. директорот на Дирекцијата за безбедност на класифицирани информации.

Усогласување текст на договор со Германија

Скопје, 25-26 септември 2008 година

 

Делегациите за билатерални преговори за усогласување текстови на спогодби за размена и заштита на класифицирани информации на Република Македонија и на Сојузна Република Германија во периодот од 25-26 септември 2008 година во Скопје остварија средба на којашто го усогласија текстот на Договорот за заемна заштита на класифицирани информации меѓу владите на двете замји.

Syndicate content